Sehar

Sehar

Un pehli paanch kirno ki naachti hui chamak,

dastak de gayi mere aankhon par,drumak-drumak,

andesha nahi tha mujhe,andhere ka tha main bramak,

ab kirno ki nahi,sooraj ki hai mujhe lalak.

Nashtar ho rahi ye nisha,pathar ho rahe ye sitare,

kohre ka top pehni ye aabohawa,thithur rahe jeev bichare,

kaali raat aa gayi hai,layi hai andhad hawa bin vichare,

samay to ab lop ho gaya hai is kaalima me,ghadi ko kya tu nihare.

Badra ki chata he sooraj kar raha hai galbahiye,

is aadrata aur is sthirta ko kaise sahiye,

is andheri duniya ke chilman ke ab kaise rahiye,

apne dil ke andar ki roshni ko kahe ab kaise mukh par laaiye.

Jab falak par bhaskar hua udiyaman,

andhera hua kafoor,kaalima hui seeman,

Os ki kirne chamchama uthi,ravi ne ki jab apni drishti pradan,

khil utha ye sansaar,naach uthe mor,jab ishwar ne diya apni saltanat ka praman.

Aangan me chhayi lalima,harit chadar hi ab dhara ka shringar,

panchhi ab har vat-vriksha par hai chahchachaye,sfoorfit hue hai beemar,

maveshi aur insano ko hai ab prachur aahar,

jalod me jal dhara kar rahi hai ufan prahar.

snayu tantra me ab madhur vayu ka hai aagman,

swachanda jantu kar rahe is madhurya ka sevan,

ujwalit hue ab din aur digpal ka daaman,

sooraj ki vihangam lalima de rahi hai pranay aur jeevan ko nimantran.

Niyam yahi hai pratyek diwas ka aur har jeevan ka,

ram rajya ya samridhi vanshaj hai lanka ke dahan ka,

Paritoshik yahi hai is intezaar ka,

tere hi chakshu par pade dharshan us achhoti kiran ka.