Skip to main content

Posts

Showing posts from October, 2011

Aao,Ek Diya Jalayein....

Aao,Ek Diya Jalayein....
Apne man ke andhkar me aao hum aaj sendh lagayein, Prafullit ho jaaye jag saara,aao, ek diya jalayein.
Roshni ka wo punj jo baat joh raha tere pran ki, Tamas ki wo nisha jo rah dekhti savere ki,jivan ki, Aaj aao hum karm ki wo diyasalai layein, Chhota hi sahi,par aao aaj punya ka ek naya diya jalayein.

Bahutere thake hai,bahutere ruke hai,par tu na thamna, Kuchh diye jal chuke,kuch bhujh gaye,par tu na machalna, Us jivan ki lou ke liye aao thoda aur tel laayein, Jo na jala sake,unki hi khatir aao aaj ek aur diya jalayein.

Jinke mathe par bal hai anek,jinke chehre par chintaon ka hai sada basera, Jinhone na jaana matlab khushi ka,na jaane wo kya hota hai savera, Unke jivan ki tapan ko aao aaj nirmal ban pi jaayein, Apni khushiyon ki fuljhadiyon se aaj unke bhi jivan me anand ka wo pehla deep jalayein.

Daalo nakel us durbhagya me jo nirbheek vichran kar raha tere man abhyaran me, Kholo dwar aaj tum sab saare,swapn aur prajwalit karo apne aur duj nayan me, Khushi…